Brasilien Tagebuch

25.10.07

Hoet haend mer oeisi pousada gwaechslet ond send denn wiiter go dstadt erkunde. mer haend denn nach dere erkondigstour muesse waesche... nenei ned met de woeschmaschine sondern vo hand ame woeschbraett... das esch no musig gsi:-) dstadt vor allem daltstadt esch henne schoen met ganz coole fassade ond wonderschoene alte hueser. mer naehnds do absichtlich sehr gmuetlech zom oeis vom pantanal echli zerhole, emmer nach tier sueche esch naemli no astraengend gsi... mer haend nochli planet wies soell wiiter go ond hoffe dass das klappet wie mers planet haend.

so jetzt guet nacht schwiizerland!

24.10.07

Nachere chli muehsame reis send mer via brasilia of sao luis cho. do haend mer es guets aber ned grad de priisleistigsverhaeltnis apassti pousada gfonde. aber mer haends gnosse zerst chli go penne... am obe send mer de do die 900´000 iwohnerstadt go aluege, also vor allem daltstadt, mer haend es super restaurant met livemusig gfonde ond send rechtig zsao luis acho!

23.10.07
Nach ongefaehr 4 stond fahrt vom pantanal oeber pocone ond cuiaba (foer die wo d´charte waend zor hand naeh;-), zom bispoeu oeisi vaetere) send mer in Chapada dos Guimaraes acho. ofem waeg doet haere haend mer usegfonde das de DJ ou christ esch... das esch natuerli e riise ufsteller gsi ond es het cooli gsproech gaeh. Chapada esch es staedtli met 20´000 iwohner ond rond ome esch nationalpark ond ou de geografischi mittelponkt vo suedamerika. es esch e total anderi landschaft als e de letschte taeg. es het voeu canyons ond chliini wasserfaell, es esch wonderschoen doet. mer send onder wasserfaell go bade haend e chliini wanderig gmacht ond send denn no ane super ussichtsponkt gfahre. e absolut geniale usblick oeber die canyons ond de riisigi wald... es esch gloub die schoenst landschaft gsi wo mer je haend gseh (natuerli abgseh vo de schwiizerbaerge;-)), aber de waeg a de ussichtsponkt goht i gschicht i... es esch nor en sandstrass ond woeus e de woche vorhaer graegnet het eschs send dbedengige teilwiis sehr anti-auto gsi... ond de esches so cho wies het muesse... mer send blibe stecke ond haend waehrend fasch 2 stond versuecht sauto usbudle... nach langem haend mers denn gschafft... halleluja!! denn send mer of cuiaba zrog gfahre worde ond haend denn leider muesse vom DJ abschid naeh, das esch ned so liecht gsi, woeu mer ehn woerkli sehr gschaetzt haend ond aer de perfekti fuehrer esch gsi (het iwandfrei aenglisch gredt, einiges besser als mer...).
dnacht haend mer denn ofem flughafe in cuiaba verbrocht, was natuerli ned grad 5-staerne qualitaet esch gsi;-) aber mer haends gschafft.

17.10-22.10.07

Zaemefassig vom Pantanal

Mer send am mittwoch am morge vo oeisem fuehrer em DJ abgholt worde. meteme duetsche paar send mer denn is pantanal gfahre worde, das eschs groesste fuechtsavanne gebiet vo de waelt.

mer send em pantanal acho ond send denn de ganz nomittag of de transpantaneira gfahre, das esch e stross wo 150 kilometer laeng esch ond nor us schotter bestoht. es esch total idroecklich gsi wieviel tier me raechts ond links vo dere stross gseht, onzaehligi voegel, kaimane (sidroecklichste vo de kaimane esch gsi wo honderti em sonneontergang am land gsi send...), tuusigi wasserschwein, en anakonde haend mer gseh, reh, hirsche, waschbaere ond sowiter... es esch aecht troumhaft gsi die tier alli doerfe us noechster noechi zgseh.

mer send i verschedene onderkoenft gsi wo eigentli alli sehr guet send gsi, de esch jede obe en chliineri oder groesseri nachtsafari ofem programm gstande. am morge send mer einisch frueh uf zom dvoegel ond dsonne bem verwache zbeobachte. mer haend ou drue bootstoure gmacht, das esch foer oeis eis vo de groesste highlights gsi... doet send kaimane bes oeppe 1-2 meter a oeis haere cho, ond dclaudi het eri angst emmer besser i griff becho...;-)

waehrend de bootstoure haend mer zweimal choenne piranha fische, ond es het also sogar klappet, mer send ned so schlaecht gsi:-). mer haend ou choenne e riittour mache, das esch aber de de claudi doch zvoeu gsi ond se het of das verzichtet... i be gaern metgange ond nach 2 minute ofem ross hanis verschreckt met minere fotitaesche ond schwuups, de oli esch am bodeglaege... jojo sandy, bidu ond stefu i ghoere oeich scho lache... aber es esch also soesch ohni wiiteri zwoeschefaell gange ond i ha grosse spass gha!

es send absolut geniali 5 taeg gsi... ou wenns sehr heiss esch gsi ond mer emmer verschwetzt i oeisi onderkonft zrug cho send... aber doet haend mer denn ame de pool ond die erfroeschendi duschi om so meh gnosse! eis highlight het sandere gjagt, es esch eifach wonderbar gsi nor tier ond wasser zghoere, woeu praktisch kei luet send ome gsi. ond das ganze geholper vo de transpantaneira esch oeis as haerz gwachse, die strass waerde mer niemeh vergaesse...

die zwoei duetsche wo met oeis metgreist send, send gueti kollege worde ond mer haend bereits en iladig foer i norde vo duetschland becho, es esch nor schad gsi das se nach drue tag weder zrog send gange.

Ausblick aus dem 41sten Stock eines Hochhauses in Sao Paulo

Museum in Sao Paulo

17.10.07
Guete morge id schwiiz... mir tropechoepf haend nid mituebercho, dass mir heted muesse uhr ei stund zruggstelle und drum muend mir jetzt i dae lobby warte bis mir abgholt werdet... brrr mir heted no laenger choene schlafe ihr wuesset doch wie gern mir schlafed *smile* aber jetzt zum possitive mir haend aes super super zmorge gha isch wueki aes tophotel wo mir grad sind... @tina: uh ich freu mi also riesig wider uf saunabsuech mit dir, choemed ja schoen im winter zrugg und ich bin ja nachher arbaetslos und han zyt *smile* aber im moment haemer ja sauna scho verusse, aes isch uh huene heiss... jaja das haend mir guet gmacht giht schoen aes naedeli uf argentinie, dass haend mir guet gmacht heheheheh
@saemi: jae ich weiss nid, ob du mi wuerki chasch als beschti saunakollegin vo dae martina abloese *smile*
@heldinho: bom dia, tudo bem? eu acha, que eu tenho falar com voce sobre o viagem do brasil... desculpe muito... eu apprende todos os dias mais de portugues, mas com a gramatika (du weisch scho, i meine dgramatik...) e muito complicado, como o frances;-) eu vou ter muito alegria como nos podemos ver na suiça! abraçao e bejio do sua amigo brasileiro;-)
@jeanne: ich gratuliere oi natuerlich au ganz fescht zum sieg:O) haesch scho paar goal gmacht? jetzt fehlt dir halt dini freistossassistaentin gaell:O)
@maethi: wie gahts eigentlich dim knue?
@dani: wie haet nazi spilt gaege oestricher und wie gahts dir bim schaffe?
@andi: haesch jetzt dini fuessballlizenz becho oder spilsch wider voll unihockey?
@roemu ond rebi: hey rebi geb dim ma nome fetts aesse, gang no meh metem go mongolisch aesse ond soesch sache e dere art;-) tsss roemu wenn du woesstisch wie voeu dasi do am ome loufe be... ond das no met gepaeck... jojo waege aarau... i weiss se mache ned die eifachsti ziit dore, aber das chonnt weder!!! so jetzt muessi hoere oeise guide wartet aeuae scho fasch... haends guet liebi schwiizer luet!

17.10.07 -23.10.07
sind mir im pantanal (das isch die groeschti feuchtsavanne vo dae walt) unterwegs miteme fuehrer. mir werdet det uh viel tier (krokodil, schlange, voegel, affe, hirsche.... ) gseh. meh zu oisem trip findsch uf dae internetsite http://www.pantanal-pocone.net/. dannach flueged mir vo cuiaba nach brasilia und vo brasilia uf sao luiz, wo daenn oises strandlaebe afangt... wahrschindlich bis i oepe einere wuche. ganz aen liebe gruess id schwiiz!!

16.10.07
Ungefaehr am 13h simer in cuiaba acho. aes isch oepe 40 grad warm da!!!! mir sind daenn mit aem taxi zum hotel gfahre, aes uh guets hotel wo mir vo da schwiz us buechet haend. mir gnuesseds mega mal ae richtig grosses zimmer mit suberem wc und duschi zha. obwohl dae standart vo allne jugis isch also immer guet gsi!!! ois gahts also wueki tiptop. huet choemer au sit langem aentlich widermal richtig is internet. und zum erschtemal klappets glaub au aendlich zum bilder zlade, obwohl aes gaht uh lang fuer eis bild...
@andi: mir gratuliered dir ganz ganz herzlich zu dinere lehrstell, mir sind mega stolz uf dich du haesch dich so positiv veraenderet i dae letschte zit!! mach witer so!
@kristen: mir sind bis jetzt sao paulo und iguacu inaere jugi gsi und muess saege isch tiptop gsi und zahlsch fuerd nacht nur oepe 30ch fuer aes doppelzimmer mit zmorge. waend aes 4 oder 6 er zimmer nimmsch, zahlsch sogar nuer oepe 15chf. isch also total empfehlenswert...
@sabine: merci vielmal fuer dis e-mail het mi mega gfreut!! im moment haemer leider kei zuaegriff us oises mail, drum chani nid zrugschribe...
@olivia: vielen dank fuer dein e-mail hat mich riesig gefreut!! wuensche dir eine ganz guete zeit und pass gut auf antonella auf, sie hat ja heute wieder angefangen zu arbeiten...
@papis und mamis: danke fuer oi itraeg!!! mir haend oi sehr gern!!!
@bidu und sandy: cool vo oi zghoere! wuensched oi ganz ae gueti zyt zaeme, froied ois scho oi wider gseh!
@papi maurer und sandy: ganz ae gueti und unvergaesslichi zit in new york
@carena: merci uebrigens vilmal, dass du ois aes poster machsch vo oisem hochzitsfoti! mir sind leider nueme daezuecho eis uszueche, choemed aber nach oisere reis sehr gern uf dich zrugg!!

15.10.07
25-stuendige busfahrt vo foz de iguasu bis cuiaba. busfahrt isch guet gange, aber es haet uh ae grusigs wc im bus gha und uf dae raststaette sind wc au nid grad sueberer gsi... teilwis haemer nid mal wcpapier gha und tuer haesch au oft nid choene schluesse... @carena: gratuliere zum sieg und zum bestplayer!!!!
@phile und naethu: gratuliere zum sieg und zu oine entscheidende goal und assists!!!!

14.10.07
Heute schreibe ich hochdeutsch, nur fuer dich olivia *smile*. Wir waren heute in argentienien und haben uns die iguacufaelle von der argentinischen seite angeschaut. von der brasilianischen seite sieht man eher das ganze und von der argentinischen seite kann man ganz nahe an die wasserfaelle. es war einfach traumhaft schoen!!!

13.10.07
Huet simer inaen vogelpark gange. da park isch eifach so schoen und idruecklich gmacht gsi. aes hat vogel wo i kaefig sind, aber daenn haets au no so freigehege. dass heisst, aes haet aes paar uh grossi kaefig gha wo vogel dinaegsi sind und daenn haesch eifach i diae kaefig inaechoene und vogel vo ganz noech aluege. vor allem die verschiedene papageie und tukane sind uh huensche schoen gsi. daenn hets no aes freigehege gha mit alles volle verschiedene summervoegel. genial isch das gsi, bisch dir vorcho wie im paradies.

12.10.07
hoet esches also aendli sowiit gsi. mer haend doerfe go diguaçu faell go aluege. es esch de absoluti hammer gsi. me cha das gar ned rechtig beschribe. es esch woerkli troumhaft ond uuu idroeklich gsi. mer haend doet dnatur, swasser ond ou schoeni tier choenne bestuhne. de hoehepunkt esch secher de tukan gsi wo mer frei laebend gseh haend... no es chorzes wort zo de jugi: do haend mer weder e super zog gmacht. es esch e mega schoeni alag ond es passt alles perfekt. jetzt goehnd mer grad go szacht teste... mer woensche e gueti nacht id schwiiz ond fuehret morn oeisi nati bitte chli a foer oeis;-) oeichi oc´s PS: i ha gloub súfladegraet vom natel gschlisse... drom choenne mer kei sms becho, bes of wiiteres emu...







11.10.07
am 12fi werdet mir vome taxi i dae jugi abgholt fuer an flughafe sao paulo. daenn flueged mir am 3 uf iguacu zu dae wunderschoene wasserfaell. mir freued ois mega fescht. aes muess uh huene schoen si dete. viliecht goemer au no schnell uf diae argentinisch site go wasserfaell bestuhne. mir sind irgendwie froh, dass mir us daere riesige stadt usaechoemed obwohl mir sehr vil erlaebt haend.
macheds guet!!!!

zaemefassig ueber sao paulo vo dae claudi
sao paulo isch ae riesigi stadt mit xtusig wulkekratzer. aes isch immer laermig und eis chaos, dauernd ghoersch immer sirene vo polizei und alarmalage... also fuer mich fascht chli too much... bin fascht chli zgmuetlich fuer die stadt*smile*. au isch aes immer chli stinkig (dani das waer oepis fuer dich) und mer muess halt scho immer chli ufpasse womer higaht und was mer macht. zudem sind eifach die gaegesaetz vo arm und rich scho mega krass. uf dae einte site liged strassekind im dreck und haend fascht nuet. uf dae andere site gsehsch kind total gstylet mit ipod im ohr und natel i dae hand, dick und sind am cola und chips komsumiere. haesch irgendwie sgfuehl die vornehmere kind haend gar kei ahnig dass es ueberhaupt strassekind giht. au isch es mega komisch, dass vil meh luxus - und konsumgschaeft (beautysalons, schleckwarelaede, videoshops u.s.w.) gsehsch als aes lebesmittelgschaeft. ich glaub vile brasilianer isch aes wichtiger das sie guet usgsend und voll gstylt sind, anstatt si gnueg zesse haend. irgendwie mega paradox... zum glúeck haemer aber ae mega suberi und sicheri jugi verwuetscht. uf jedefall bini froh, fuer die idrueck woni da becho han und ich freu mi umso meh uf iguacu falls...

10.10.07
hoet haend mer dmetro testet... mer send met de u-bahn i jardim zoologico gfahre ond send doet de 5t groessti zoo vo de waelt go bsueche. de zoo waer schoen gsi, aber die haend grad ergend so en aktion gha ond drom hets mega voue schuelchind doet inne gha... sones graebel ond laerme haend mer nonie gseh, do send sogar oeisi jungs zadelbode heilig degaege. de claudi het de dae laerme ond dsonne bald chli starch zuegsetzt ond haet sech am liebste wie die meiste zootier e de hoelli verchroche;-)
jetzt gnuesse mer nomou e gmuetleche jugi obe bevor mer morn am nomitag witer zo de iguaçu faell reise, of die froeie mer oeis set langem scho sehr fest!
mer haette oeich gaern no es paar bilder gschickt aber das fonktioniert ergendwie ned, sinternet esch do ned grad schnaellste... e gueti nacht id schwiiz vo oeis zwoei!


09.10.07
Nachdem mer es super zmorge haend becho, esch eini vo de jugi cho luete ond het doch tatsaechlech oeises gepaeck brocht. do send mer also sehr froh drom gsi, aendli donderhose waechsle esch also schoen gsi:-)...
denn sind mer ufbroche zom go e uh schoene park ond es museum go aluege (jawohl sogar dclaudi hani choenne metschleicke ond se esch ganz e bravi gsi, glaubsch fasch ned gaell martin:-) obwohl foer de waers intressanter gsi...). mer send doethe metem bus gange ond haend ou schoeneri viertel vo dere riiise stadt zgseh becho. die gaegesaetz send eifach scho krass ond gaehnd oeis zdaenke. zom abschloss vo oeisere exkursion send mer ines beruehmts hochhuus ond haend doet vom 41.stock oeber ganz sao paulo choenne luege, esch fasch so idroecklech wie vom uetliberg of zoeri zluege...
am schluss vom tag sind mer no i mc donald, das tuet amigs guet;-) ond jetzt gets denn no chli lunch do e de jugi-bar, muess jo schliessli mis kampfgwicht bibhalte...
so e gruess id schwiiz.
@martina ond ste: danke foer oeichi itraeg, das froeit oeis ganz fest...
@andi: danke nomol foer dis mail, het oeis u gfroeit
so jetzt definitiv guet nacht

08.10.07
Liebi luet mir sind guaet in sao paulo acho, allerdings ohni oises gepaeck... das isch naemlich in paris blibe. mir sind daenn aber trotzdem mit aem taxi i oisi jugi gfahre. uf dae hifahrt haets mir fascht dae rescht geh. ueberall am strasserand haend luet uf dae strass gschlafe und sogar uf dae autobahn sind luet umaglofe und haend versuaecht sache zverkaufe... han also grad recht schiss gha... au oisi jugi staht recht imae arme viertel. zum glueck isch aber jugi ganz schoen und uh suber! nachdem mir chli gschlafe haend haet welt wider vil besser usgeh und mir sind chli go sao paulo erkunde und haend gmerkt, dass aes gar nid so schlimm isch, klar mer muaess scho recht ufpasse und mir haend au immer uh wenig wertsache daebi. zrugg i dae jugi haemer daenn oepe 14 stund gschlafe!!!


07.10.07
So jetzt gohts definitiv los... mer händ no es feins ässe z'rothrist gnosse ond jetzt fahre mer ab för of zöri... am 8i wärde mer denn d'schwiiz us de loft gseh! me ghört sech also s'nöchste mal vo brasilie us.
@römu ond rebi: klar dänke mer a öich zwöi höbsche;-) wie chönnte mer öich ou vergässe... römu gang nochli go squashe, hesch de nachhär 3 mönet vorsprong:-)

05.10.07
Hüt simer vom kinderlager in adelbode zruggcho. mir händs uh guät gha mit dä kind. allerdings hät gripp rundi gmacht und vil kind händ müässä erbreche und händ durchfall übercho. ois häts zum glück nid ganz verwütscht. hüt hämer no wohnig uf vorderma bracht... jetzt chas dänn losgha;O)

30.09. - 05.10.07
Mithilf im kinderlager in adelbode

26.09.07
Hüt zabig chunt sandy und dä bidu no zu ois go ässä. müänd ja dä sandy no erkläre wiä mer sonän hushalt so schmeisst;O) ... eigentlich würäd mir ihre zwar lieber sägä, was mir alles putzt wänd ja wänn mir heichömäd;O) händ no paar altlaste z.b. fenster putze;O)

21.09.07
Mir händ ois jetzt entschiede, dass mir als backpackers dur brasilie reised. mir händ ois hüt grad zwei riiiiiiisigi rucksäck kauft... ja das wird ä schöni herusforderig werde zum packe;O)

Hüt abig hät dä säm geburtstag gha. mir st.tropez fründe händ dä säm überrascht und i dä grütfarm uf ihn gwartet... nichts ahnend hät er denkt er heg äs romantisches tete-a-tete mit sinärä martina, doch da hät er scho diä ganz st.tropez bandi entdeckt;O) und so hämer ois scho müässä vo oisne "friends for ever" verabschide... ussert vo dä ste, si chunt ja au is kinderlager in adelbode go helfe...

17.09.07
Bi grad dä blog am teschte für brasilie. isch ä guäti sach, brucht eifach recht lang zum bilder lade. hüt hämer grad no infos übercho wägä pantanaltoure. Jetzt müänd mir ois nur no ufä tour chönä einige und buäche. mir händ beschlosse no keis auto vorzreserviere, damit mir in brasilie flexibler sind. zudem isch äs recht tür für 74 tag würdät mir ca 4000.- zahle.